Azərbaycan Ali Məhkəməsinin sədri Gürcüstana getdi - Foto

Ali Məhkəmənin sədri İnam Kərimov Gürcüstana işgüzar səfərdədir.

Teleqraf.com xəbər verir ki, o, Tbilisidə Heydər Əliyev adına parkda ümummilli liderin büstünü ziyarət edərək önünə gül dəstələri düzüb, xatirəsini dərin ehtiramla yad edib.

Ziyarətdə Azərbaycanın Gürcüstandakı səfiri Faiq Quliyev və səfirliyin əməkdaşları da iştirak ediblər.

İ.Kərimov Gürcüstanın Ali Məhkəməsində görüş keçirəcək. Görüşdə Azərbaycan və Gürcüstanın məhkəmə orqanları arasında əməkdaşlığın genişləndirilməsi və əlaqələrin dərinləşdirilməsi məsələləri müzakirə olunacaq.