Türkiyədən BMT-yə çağırış - İsrailə silah embarqosu

Türkiyə hökuməti BMT-yə 52 ölkə adından İsrailə silah embarqosu tətbiq etməyə çağıran məktub təqdim edib.

Teleqraf.com xəbər verir ki, bu barədə Türkiyə Xarici İşlər Nazirliyindən bildirilib.

Məlumata əsasən, məktubu iki təşkilat da imzalayıb: Ərəb Liqası və İslam Əməkdaşlıq Təşkilatı. Məktub müəllifləri embarqonun tətbiqini zəruri hesab edirlər. Onların fikrincə, Qəzza zolağında və Livanda gedən döyüşlər zamanı İsrail insan haqlarını və beynəlxalq humanitar hüququ pozur.

Məktubu imzalayan ölkələr arasında Türkiyə, Birləşmiş Ərəb Əmirlikləri, Braziliya, Çin, İran, Cənubi Afrika Respublikası, Qırğızıstan, Qazaxıstan, Rusiya və Səudiyyə Ərəbistanı da var.