Əhməd Əhmədzadə "Şərəf" ordeni ilə təltif olundu

Əhməd Əhmədzadə “Şərəf” ordeni ilə təltif olunub.

Teleqraf.com xəbər verir ki, bu barədə Prezident İlham Əliyev Sərəncam imzalayıb.

O, Azərbaycan Respublikasında dövlət qulluğunda uzunmüddətli səmərəli fəaliyyətinə görə təltif edilib.

Qeyd edək ki, Ə.Əhmədzadə 1945-ci il yanvarın 7-də Qax rayonunun Qaxmuğal kəndində anadan olub.

1993-2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri, 2004-2006-cı illərdə kənd təsərrüfatı nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006-2021-ci illərdə Meliorasiya və Su Təsərrüfatı Açıq Səhmdar Cəmiyyətinin sədri vəzifələrində çalışıb.

2021-ci ilin aprel ayında Baş nazirin müşaviri təyin olunub. 2024-cü ilin oktyabr ayında Baş nazirin köməkçisi vəzifəsinə keçirilib.

Yanvarın 7-də Ə.Əhmədzadənin 80 yaşı tamam olub.