Ötən il 175 milyon dollarlıq pomidor ixrac olundu

Azərbaycan pomidor ixracını artırıb.

Teleqraf.com Dövlət Gömrük Komitəsinə istinadən xəbər verir ki, ötən il Azərbaycandan 145 min 603 ton (175 milyon 430 min dollar dəyərində) pomidor ixrac olunub.

Bu, 2023-cü illə müqayisədə 5 min 15 ton və ya 4% çoxdur. 2023-cü ildə 140 min 588 ton pomidor ixrac olunmuşdu.

2024-cü ildə ümumi ixracın 0.66%-i, qeyri-neft sektoru üzrə ixracın isə təxminən 5.23%-i pomidorun payına düşüb.