Azərbaycana quru yolu ilə gələn turistlərin sayı açıqlandı

Ötən il Azərbaycana quru yolu ilə gələn turistlərin sayı 551 min 494 olub.

Teleqraf.com-un Dövlət Turizm Agentliyinə istinadən xəbərinə görə, ötən il quru yolu ilə Azərbaycana gələn turistlər ümumi turistlərin 22%-ni təşkil edib.

Azərbaycana quru yolla gələn turistlər əsasən Belarusiya (5 min 664), Gürcüstan (38 min 83), İran (177 min 670), Özbəkistan (13 min 249), Rusiya (82 min 721) kimi ölkələrdən olublar.

Xatırladaq ki, ötən il Azərbaycana müxtəlif nəqliyyat vasirələri ilə ümumilikdə 2 milyon 412 min 27 səfər qeydə alınıb.