DSX mayoruna hücum edən idmançılar barəsində qərar verildi - Yeniləndi

Xətai Rayon Məhkəməsində idmançıların barəsində həbs qətimkan tədbirinin seçilməsi barədə təqdimatlara baxılır.

Teleqraf.com xəbər verir ki, məhkəmənin qərarı ilə Musa Əhmədov barəsində də 3 ay müddətinə həbs qətimkan tədbiri seçilib.

Beləliklə, kikboksinq üzrə Əməkdar məşqçi Fuad Zeynalova hücum etməkdə ittiham edilən hər üç idmançının haqqında məhkəmə həbs qətimkan tədbirinin seçilməsi qərarı verib.

***

13:49

Xətai Rayon Məhkəməsində idmançıların barəsində həbs qətimkan tədbirinin seçilməsi barədə təqdimata baxılır.

Teleqraf.com xəbər verir ki, məhkəmənin qərarı ilə Elnur Həmidovun barəsində 3 ay müddətinə həbs qətimkan tədbiri seçilib.

Hazırda Musa Əhmədovla bağlı təqdimata baxılır

***

13:27

Dövlət Sərhəd Xidmətinin (DSX) mayoru, kikboksinq üzrə Əməkdar məşqçi Fuad Zeynalova hücum etməkdə ittiham edilən idmançılar barəsində həbs qətimkan tədbiri seçilib.

Teleqraf.com xəbər verir ki Xətai rayon Məhkəməsində Elçin Hüseynovun barəsində 3 ay müddətinə həbs qətimkan tədbiri seçilib.

Digər şəxslərlə bağlı təqdimata hazırda baxılır.

***

12:37

Dövlət Sərhəd Xidmətinin (DSX) mayoru, kikboksinq üzrə Əməkdar məşqçi Fuad Zeynalova hücum etməkdə ittiham edilən idmançılardan üçü məhkəmə qarşısına çıxarılıb.

Teleqraf.com xəbər verir ki, onlar Elnur Həmidov, Elçin Hüseynov və Musa Əhmədovdur.

Onların barəsində həbs qətimkan tədbirinin seçilməsi üçün təqdimat verilib. Təqdimata qapalı iclasda baxılır.

Təqsirləndirilən hər üç şəxs barəsində Cinayət Məcəlləsinin 221.2.1-ci (bir qrup şəxs tərəfindən və ya təkrarən xuliqanlıq törədildikdə) maddəsi ilə ilkin ittiham irəli sürülüb.

Qeyd edək ki, insidentə görə Kikboksinq Federasiyasının I vitse-prezidenti Ramal Aslanov və Emil Hümbətov da saxlanılmışdı. Onlar barəsində hansı qərar veriləcəyi hələlik bilinmir.

Bu iş üzrə zərərçəkmiş mayor Fuad Zeynalov ötən gün saytımıza açıqlama verib. O, insidentin sifarişçisinin Kikboksinq Federasiyasının I vitse-prezidenti Ramal Aslanov olduğunu deyib.