Üçtərəfli görüş əməkdaşlığımızı daha da gücləndirəcək - Ceyhun Bayramov

Biz qəti şəkildə inanırıq ki, bu görüşün yekun sənədi olan Ankara Bəyannaməsi də daxil olmaqla, iqtisadiyyat, ticarət, investisiya, nəqliyyat və əlaqə sahələrində daha dərin əməkdaşlığa təkan verərək regional və beynəlxalq xarici siyasət məsələlərində əməkdaşlığımızı gücləndirəcək.

Teleqraf.com xəbər verir ki, bu barədə Azərbaycan xarici işlər naziri Ceyhun Bayramov Ankarada Azərbaycan, Türkiyə və Özbəkistan xarici işlər, ticarət/iqtisadiyyat və nəqliyyat nazirlərinin 2-ci üçtərəfli görüşü ilə bağlı etdiyi paylaşımda bildirib.

“Biz qardaş ölkələrimizin işğaldan azad edilmiş ərazilərimizdə birgə yenidənqurma və minalardan təmizləmə layihələrinin həyata keçirilməsinə marağını xüsusilə alqışlayırıq”, - paylaşımda qeyd olunub.