Bakıda polis əməliyyat keçirdi - Saxlanılan var

Bakının Xəzər rayonunda narkotiklərlə bağlı əməliyyat keçirilib.

Teleqraf.com xəbər verir ki, bu barədə Daxili İşlər Nazirliyi məlumat yayıb.

Xəzər Rayon Polis İdarəsinin 1-ci Polis Şöbəsi əməkdaşlarının keçirdikləri tədbirlərlə narkotiklərin qanunsuz dövriyyəsində şübhəli bilinən, əvvəllər də eyni əmələ görə məhkum olunmuş 42 yaşlı R.Əsədov saxlanılıb.

Ondan külli miqdarda narkotik vasitə tiryək, marixuana və 79 ədəd metadon həbi aşkar olunaraq götürülüb.

Araşdırma aparılır.