"Fransa regiondakı məhdud rolunu gücləndirməyə çalışır" - Robert Katler

Zəngəzur dəhlizinin açılması ərəfəsində Fransa Cənubi Qafqazdakı mövqeyini möhkəmləndirmək istəyir.

Teleqraf.com xəbər verir ki, bu barədə Karlton universitetində araşdırmaçı Robert Katler "Fransa və Ermənistan-Azərbaycan münaqişəsi" mövzusunda keçirilən beynəlxalq konfransda qeyd edib.

Katlerin sözlərinə görə, Fransa və Ermənistan arasında imzalanan silah sövdələşməsi İrəvana müasir tipli silah və müdafiə sistemləri əldə etmək imkanları yaradıb: "Ermənistanla artan müttəfiqlik regionda müharibə riskini artıran amildir".

"2020-ci ilə qədər Fransa ATƏT-in həmsədri qismində çıxış edirdi. Lakin 2020-ci ildəki müharibə Ermənistanın kövrəkliyini sübut etdi. Həmin periodda Rusiyanın da Cənubi Qafqazda rolu azalmaqda idi. Bundan istifadə etməyə çalışan Fransa regiondakı məhdud rolunu gücləndirməyə çalışır",- araşdırmaçı bildirib.