Qətər sülh danışıqlarında vasitəçi qismində iştirakını dayandırdı

Qətər Qəzza zolağında sülh danışıqlarında iştirakını dayandırmaq qərarına gəlib.

Teleqraf.com xəbər verir ki, bu barədə AFP nəşri məlumat yayıb.

Məlumata görə, ölkə hakimiyyəti İsraili və Fələstinin "HƏMAS" hərəkatını qərarları barədə məlumatlandırıb. Tərəflər sülh danışıqlarından imtina etdikcə Qətər vasitəçilik edə bilməyəcəyini deyib.

Qəzza zolağında atəşkəs və girovların azad edilməsi ilə bağlı danışıqlar Qətərin paytaxtında bir neçə dəfə aparılıb.