"Ukrayna yaxın həftələrdə 50 milyard dollar alacaq" - Blinken

"Ukrayna yaxın həftələrdə ABŞ və Aİ-dən Rusiya Federasiyasının dondurulmuş aktivlərindən 50 milyard dollar alacaq".

Teleqraf.com xarici mətbuata istinadən xəbər verir ki, bunu ABŞ dövlət katibi Antoni Blinken bildirib.

"Bu pul yaxın həftələrdə bizdən, eləcə də Avropadan gedəcək və gələn il müəyyən müddət ərzində Ukraynanı dəstəkləyəcək”, - Blinken bildirib.

Blinken qeyd edib ki, müttəfiqlər Ukraynanın iqtisadiyyatını və müdafiəsini dəstəkləmək üçün lazım olan pul və resurslara malik olmasını təmin etmək üçün işləməyə davam edirlər.