Quterreş Cənubi Koreya liderinin qərarını alqışladı

BMT-nin Baş katibi Antoniu Quterreş Cənubi Koreyada hərbi vəziyyətin ləğvini alqışlayır və ölkədəki vəziyyəti yaxından izləməyə davam edir.

Teleqraf.com xəbər verir ki, bunu Baş katibin rəsmi nümayəndəsi Stefan Düjarrik keçirdiyi brifinqdə deyib.

Qeyd edək ki, Koreya Respublikasının prezidenti Yun Seok-yeol dekabrın 3-ü axşam saatlarında hərbi vəziyyətin tətbiq olunduğunu elan edib. Bir neçə saat sonra parlament onun ləğvinə səs verib. Daha sonra ölkə rəhbəri qərarını ləğv edəcəyinə söz verdikdən sonra Nazirlər Kabineti onu dəstəkləyib.

Cənubi Koreyada 45 ildir hərbi vəziyyət tətbiq edilmir.

Dekabrın 4-də müxalifət Koreya Respublikasının prezidentinə qarşı impiçment proseduruna başlayıb. Yaxın günlərdə səsvermənin keçirilməsi gözlənilir.