ABŞ Çinə xəbərdarlıq etdi - "Daha ciddi sanksiyalar ola bilər"

ABŞ-nin maliyyə naziri Canet Yellen Çinin Ukrayna münaqişəsində Rusiyaya maddi dəstək göstərəcəyi təqdirdə Pekini “əhəmiyyətli nəticələrə səbəb olacaq çox ciddi sanksiyalarla” hədələyib.

Teleqraf.com xəbər verir ki, amerikalı nazir bunu bazar ertəsi Çin Xalq Respublikası Dövlət Şurasının baş nazirinin müavini He Lifeng ilə virtual görüş zamanı bildirib.

“Çində yerləşən şirkətlər Rusiyaya maddi dəstək versələr, onların üzləşəcəyi ciddi nəticələr olacaq”, – ABŞ Maliyyə Nazirliyinin görüşün yekunları üzrə açıqlamasında deyib.

“Yellen, həmçinin Çin hökumətinin maliyyələşdirdiyi şirkətlərin kiberməkanda zərərli fəaliyyəti və bunun ikitərəfli münasibətlərə təsirindən ciddi narahatlığını ifadə edib”, - deyə məlumatda bildirilir.