Tofiq Bəhramova həsr olunmuş yeni poçt markaları hazırlandı
29 Yanvar 10:22
AFFA-nın təşəbbüsü ilə “Azərpoçt” MMC tərəfindən yeni poçt markaları dövriyyəyə buraxılıb.
Teleqraf.com xəbər verir ki, 3 markadan ibarət blok şəklində buraxılışda Tofiq Bəhramovun portreti, eləcə də, hakimin fəaliyyətindən olan fotolar yer alıb.
Ölkədə ilk dəfə futbol dünyasının əsas elementi olan, futbol formalarını əks etdirən markalardan ibarət buklet də hazırlanıb. Poçt bloku 3000, buklet isə 2500 tirajla buraxılıb.
Markanın müəllifi rəssam Orxan Qarayevdir və markaların poçt dövriyyəsinə buraxılma günü də xüsusi seçilib.
Qeyd edək ki, buraxılış tarixi yanvar ayının 29-u, Tofiq Bəhramovun doğum gününə təsadüf edir. Bu gün əfasəvi futbol hakiminin 100 illik yubileyidir.
Müəllif:
Röyanə Oğuz
.jpg)
