Tofiq Bəhramovun xatirəsi Azərbaycan çempionatında yad olunacaq

Həftəsonu Azərbaycan Premyer Liqasında XXI turun bütün oyunlarında Tofiq Bəhramovun xatirəsi yad olunacaq.

Teleqraf.com xəbər verir ki, bu barədə jurnalistlərə açıqlamasında AFFA-nın icraçı vitse-prezidenti Sərxan Hacıyev bildirib.

S.Hacıyev il ərzində T.Bəhramova həsr olunan müxtəlif tədbirlərin keçiriləcəyini də diqqətə çatdırıb.

XXI turun oyunları 31 yanvar - 2 fevralda olacaq.

Qeyd edək ki, Tofiq Bəhramov 1925-ci il yanvarın 29-da Ağdamda anadan olub. O, 26 mart 1993-cü ildə dünyasını dəyişib.