1 Oktyabr 17:55
634
12 Punto 14 Punto 16 Punto 18 Punto

Türkiyə Prezidenti Rəcəb Tayyib Ərdoğan bu gün səhər saatlarında Ankaradakı terror hücumunu qəti şəkildə pisləyib.

Teleqraf.com xəbər verir ki, Türkiyə lideri bildirib ki, terrorizmlə mübarizədə həmrəyliyə ehtiyac var.

"Terror təşkilatının siyasətə müdaxiləsinə imkan verməyəcəyik. Polisin vaxtında müdaxiləsi nəticəsində vətəndaşların əmin-amanlığını, təhlükəsizliyini təhdid edənlər öz məqsədlərinə çata bilməyiblər", - Ərdoğan deyib.

Qeyd edək ki, bu gün səhər saatlarında iki terrorçu Daxili İşlər Nazirliyinin binası yaxınlığında partlayıcını işə salıb. Qısamüddətli atışmadan sonra terrorçulardan biri zərərsizləşdirilib. Hadisə nəticəsində iki polis əməkdaşı xəsarət alıb.


Müəllif: Teleqraf.com