Azərbaycana su yolu ilə gələn turistlərin sayı açıqlanıb

Ötən il Azərbaycana su yolu ilə gələn turistlərin sayı 30 min 452 olub.

Teleqraf.com-un Dövlət Turizm Agentliyinə istinadən xəbərinə görə, ötən il su yolu ilə Azərbaycana gələn turistlər ümumi turistlərin 1.2%-ni təşkil edib.

Qeyd edək ki, ötən il Azərbaycana su yolu ilə daha çox Ukrayna (2 min 530 nəfər), Türkmənistan (15 min 12 nəfər), Türkiyə (1 838 nəfər), Rusiya (3 min 122 nəfər), Qazaxıstan (4 min 345 nəfər) və Gürcüstandan (1056) turist daxil olub.

Xatırladaq ki, ötən il Azərbaycana müxtəlif nəqliyyat vasitələri ilə ümumilikdə 2 milyon 412 min 27 səfər qeydə alınıb ki, bu da 27.43% çoxdur.